Hesch luscht inä Guggä z'cho? Liäder z'spiellä wo hunderti vo Liit i Partystimmig bringed? D'Fasnacht ufnä anderi Art erläbä? Niwi Liit känälernä, egal ob jung oder chli älter?

De bisch dü, genaj dü, richtig bi iis. Miär, d'ryyssboodäfääger vo Seedorf sind immer uf dr Suächi nach niwä Mitglieder. Egal ob Maa oder Fraj, egal ob 16i oder 30i. Hesch drvor nuniä äs Instrumänt idr Händ gha? Das isch keis Problem. Idä Niiwmitglieder-Probä lernsch aj dü s'chliinä 1 x 1 vodä Müsig. Mit äs bizäli Fliiss und Zyyt gahd alles. Der Üfwand isch sehr chli im Verglich zu dem, was dü idr Fasnachtszit erläbsch. Vill luschtigi, geniali und scheeni Momänt wärdet diär fürs ganzä Läbä i Erinnerig bliibä. Ä Erfahrig wo jedä set machä!

Bisch interesiärt? De mäld dich doch eifach per Mail oder per Telefon bi iiserä Presidänt:

Marcel Fedier
Langmattgasse 45
6460 Altdorf

Telefon: 079 617 99 54
E-mail: marcel.fedier[at]hotmail.com

Miär freiwed iis uf dich!